Novruz xalq bayramıdır
Martın 14-də 239 nömrəli tam orta məktəbdə “Novruz xalq bayramıdır” mövzusunda tədbir keçirilmişdir. Tədbirdə Ulu Öndər Heydər Əliyevin Novruz bayramı ilə bağlı fikirləri, məktəblilərlə görüşləri haqqında şagirdlərə məlumat verilmişdir. Sonra məktəblilərin ifasında mövzu ilə bağlı şeirlər, mahnılar, oyunlar, səhnəciklər nümayiş etdirilmişdir. Məktəbin həyətində və sinif otaqlarında torpaq çərşənbəsi ilə bağlı iməcilik keçirilmişdir. Səbail rayonu Badamdar qəsəbəsində yerləşən “Heydər Əliyev” parkında 16.03.2017-ci il tarixində Novruz bayramı ilə əlaqədar təntənəli tədbir keçirilmişdir. Bu tədbirdə məktəbimizin kollektivi də fəal iştirak etmişdir.
