20 yanvar – Azadlığa gedən yolun zirvəsi
T.Məmmədov adına 239 nömrəli tam orta məktəbdə 20 Yanvar faciəsinin 27-ci ildönümünə həsr edilən 20 Yanvar faciəsi mövzusunda sinif saatları, mühazirələr və dərslər təşkil edilmiş, sənədli filmlər nümayiş etdirilmişdir. “20 yanvar – Azadlığa gedən yolun zirvəsi” mövzusunda dəyirmi masa keçirilmiş, 20 Yanvar faciəsinə həsr edilmiş ədəbii-bədii kompozisiya nümayiş etdirilmiş eləcə də, 20 Yanvar faciəsinin canlı şahidi məktəb şagirdləri ilə öz xatirələrini bölüşmüşdür. Məktəbdə “Qanlı Yanvar” mövzusunda rəsm sərgisi təşkil edilmişdir. “20 yanvar xalqımızın qəhrəmanlıq səlnaməsidir” mövzusunda inşa yazı müsabiqəsi keçirilmiş, məktəb turunun qalibi rayon turuna təqdim edilmişdir. 20 Yanvar faciəsi ilə əlaqədar siniflərdə divar qəzetləri və foto-stendlər hazırlanmışdır. Məktəblilərin və pedaqoji işçilərin Şəhidlər Xiyabanına ziyarəti təşkil edilmişdir. Məktəbimizdə keçirilən bütün tədbirlər məktəb saytında, məktəbin facebook səhifəsində və digər sosial şəbəkələrdə işıqlandırılmışdır. AZTV 20 Yanvar faciəsi ilə bağlı məktəbdə görülən tədbirlər və şagirdlərin vətənpərvərlik ruhunda tərbiyəsi mövzusunda veriliş hazırlamışdır.
