O yanvar gecəsi. Heydər Əliyev və 20 Yanvar faciəsi
Yanvar ayının 19-da Bakı şəhəri T.Məmmədov adına 239 №-li tam orta məktəbdə 20 Yanvar faciəsinin 33-cü ildönümünə həsr olunmuş “O Yanvar gecəsi” mövzusunda geniş tədbir keçirilmişdir. Tədbiri məktəbin direktoru Əzimova Sədaqət xanım açmışdır. Tədbirdə Səbail rayonu Şəhid ailələri, Badamdar Bələdiyyəsinin rəhbərliyi, Azərbaycan Vətən Müharibəsi Veteranlar birliyinin Səbail təşkilatının sədr müavini Altay Babaşov, valideynlər iştirak etmişlər.
Tədbirin proqramı:
1. 20 Yanvar faciəsinin 33-cü il dönümünə həsr olunmuş “O Yanvar gecəsi” mövzusunda ədəbi bədii kompozisiyanın təqdimatı.
2. “Mənim Şəhidim” layihəsi çərçivəsində şəhid ailəsi ilə bağlı valideynlərin təqdimatı.
3. Siniflərə Şəhid adlarının verilməsi.
Tədbirin sonunda “Mənim Şəhidim” layihəsində iştirak edən siniflərin valideynləri Şəhid ailələrinə simvolik hədiyyələr təqdim etmişlər.
Allah bütün Şəhidlərimizə rəhmət eləsin!
