"Mənim Şəhidim" layihəsinin növbəti mərhələsi keçirildi
Dekabr ayının 1-də "Mənim Şəhidim" adlı layihənin növbəti mərhələsi keçirilmişdir. Bununla bağlı olaraq məktəbin "Qarabağ Azərbaycandır!" lektoriyasında 6a sinif şagirdləri ilə I Qarabağ müharibəsində şəhidlik zirvəsinə ucalmış Şəhid Adil Cəfərovun bacısı Səkinə xanımın görüşü keçirilmişdir. Görüşdə şagirdlərimiz Şəhid Adil Cəfərov haqqında hazırladıqları təqdimatlarla çıxış etmiş, Səkinə xanım qardaşı haqqındakı xatirələrini bölüşmüşdür. Sonda Səkinə xanım təşkil olunan bu görüşə görə məktəb rəhbərliyinə və şagirdlərə öz təşəkkürünü bildirmiş, tədbir iştirakçıları ilə birlikdə "Şəhid Məzunlarımız" abidə kompleksi ziyarət edilmişdir.
