Chevik.az saytının təqdimatı
Oktyabrın 24-də məktəbimizdə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin yardımı ilə “Uşaqların Gələcəyi Naminə” İctimai Birliyi tərəfindən icra olunan “İstedadlı məktəblilərin üzə çıxarılması və inkişafına dəstək” layihəsi çərçivəsində “Chevik.az” saytının təqdimatı keçirilmişdir. Moderator Cəsarət Hüseynzadə, “Uşaqların Gələcəyi Naminə” İctimai Birliyinin sədri, layihə rəhbəri Könül Quliyeva açılış nitqi söyləmiş, JAVACHİP MMC-nin direktoru və Biznes departamentinin rəhbəri Abdulla Atayev və Mahmud Mahmudov “Chevik.az” saytı haqqında qısa məlumatı əks etdirən təqdimat etmişdir. Millət vəkilləri Etibar Əliyev, Müşfiq Məmmədli, Cavid Osmanov və ictimaiyyətin digər tanınmış nümayəndələri gündəlikdəki məsələlər haqqında çıxışlar etmişlər.
