VMA-nın iclası keçirildi
Avqust ayının 18-də T.Məmmədov adına 239№-li tam orta məktəbdə VMA-nın növbəti iclası keçirilmişdir. İclasda bütün siniflər üzrə valideyn komitələrinin sədrləri, hər sinifdən bir neçə valideyn və eyni zamanda sinif rəhbərləri iştirak etmişlər. İclası məktəbin direktoru S.Əzimova açmış və bütün Şəhidlərimizin əziz xatirəsi 1 dəqiqəlik sükutla anılmışdır.
Daha sonra direktor Sədaqət xanım məktəbin həyətində inşasına başlanılan “Şəhid məzunlarımız” abidəsi haqqında tədbir iştirakçılarına məlumat vermişdir.
Eyni zamanda VMA üzvləri qarşıdan gələn tədris ilində məktəbli forması haqqında da Nazirlər kabinetinin və Azərbaycan Respublikası Təhsil Nazirliyinin müvafiq əmr və təlimatları ilə tanış olmuşlar.Valideynlər təklif olunan məktəbli formaları nümunələri ilə yaxından tanış olmuş və göy rəngdə olan məktəbli formasına üstünlük vermişlər.
Sonda məktəbin direktoru məktəbdə sağlam psixoloji mühitin növbəti tədris ilində də qorunub saxlanılması ilə bağlı valideynlərə tövsiyələr vermişdir.
