Yay Məktəbi
İyun ayının 23-də Yay Məktəbinin fəaliyyəti 26 İyun-Azərbaycan Respublikasının Silahlı Qüvvələri Gününə həsr edilmişdir. Həmin gün Yay məktəbində fəaliyyət göstərən kafe, dərnək, klub və digər bölmələr məhz vətənpərvərlik mövzusuna müraciət etmişlər.
Tədbir Zoom proqramı vasitəsilə canlı yayımlanmışdır. Tədbirdə Səbail rayon Şəhidlərinin ailə üzvləri , Səbail rayon YAP təşkilatınn rəhbərliyi, Badamdar Bələdiyyəsinin rəhbərliyi, BŞTİ-nin İnkişaf layihələri sektorundan Rüstəmova Xəyalə xanım və İzmit şəhərində yerləşən Anadolu Türk Liseyinin müəllim və şagird kollektivi (onlayn şəkildə) iştirak etmişlər. Eyni zamanda, Zoom proqramına Bakının müxtəlif məktəb rəhbərləri, müəllim və valideynlər qoşulmuşlar.
Yay məktəbinin həmin günündə: Cüdo Klubu, Danışıq Klubu, Sağlam Təhsil Klubu, Vətənpərvərlər Klubu, STEAM Klubu, Gənc Hərbiçilər Klubu, Yemək-Kafe, Book Kafe və müxtəlif dərnəklər öz fəaliyyətlərini Azərbaycan Respublikası Silahlı Qüvvələri Gününə ithaf etmişlər.
Sonda iştirakçılar həm canlı, həm də Zoom proqramı ilə öz təəssüratlarını bölüşmüş və tədbirin təşkilatçılarına minnətdarlıqlarını bildirmişlər.
Eyni zamanda, tədbirdə 23 iyun Şəhid Teymurov Vüsalın anası Nahidə xanımın və 26 İyun, (Azərbaycan Respublikası Silahlı Qüvvələri günü) Şəhid mayor Əhədzadə İlkinin doğum günləri də qeyd edilmişdir.
