Azərbaycan Milli Elmlər Akademiyasında görüş
Bildiyimiz kimi, Azərbaycan Milli Elmlər Akademiyasının təşəbbüsü və təşkilatçılığı, UNESCO-nun himayəsi, Azərbaycan Respublikası Təhsil Nazirliyi, Rabitə və Yüksək Texnologiyaları Nazirliyi və Bakı Şəhəri İcra Hakimiyyətinin təşkilatı dəstəyilə 31 oktyabr –05 noyabr tarixlərində II Azərbaycan Elm Festivalı keçiriləcək.Bu münasibətlə 31.10.2016-cı il tarixdə “TARİXİ ŞƏXSİYYƏTLƏRİMİZƏ SAHİB ÇIXAQ” layihəsi üzrə AMEA A.A.Bakıxanov adına Tarix İnstitutunun və “Tariximizə Sahib Çıxaq” tarixi araşdırmalar və maarifləndirmə İctimai Birliyinin birgə hazırladığı “TARİXİMİZ MƏKTƏBLİLƏRİN GÖZÜ İLƏ” mövzusunda Ümum təhsil məktəblərində yaradılmış “KİÇİK AKADEMİYAÇILAR”la AMEA A.A.Bakıxanov adına Tarix İnstitutunun direktoru, Professor Yaqub Mikayıl oğlu Mahmudov ilə görüş keçirilmişdir.Həmin görüşdə T.Məmmədov adına 239 nömrəli tam orta məktəbin şagirdləri və müəllimləri də fəal iştirak etmiş və bu görüşdən məmnun olduqlarını bildirmişlər.Eyni zamanda öz təəssüratlarını məktəb kollektivi ilə bölüşmüşlər.
