Şəhid -Əli Nağıyev
Dekabr ayının 25-i Azərbaycan torpaqlarının mənfur düşmən işğalından azad olunması uğrunda gedən Vətən müharibəsində şanlı döyüş yolu keçərək Şəhidlik zirvəsinə ucalan Şəhid Əli Mehman oğlu Nağıyevin doğum günüdür.
Bununla bağlı məktəbin yuxarı sinif şagirdləri ilə birgə “Heydər Əliyev və Tarixi Həqiqətlər lektoriyası”nda “Dəyirmi masa” keçirilmişdir . ”Dəyirmi masa”da Şəhidimizin həyatı və fəaliyyəti, onun döyüş yolu haqqında məlumat verilmiş və videoçarx nümayiş etdirilmişdir.
Daha sonra, şagirdlər “Qarabağ Azərbaycandır” lektoriyasında “Səbail Rayon Şəhidləri” guşəsində Şəhid Əli Mehman oğlu Nağıyevin timsalında digər Səbail Rayon Şəhidlərinin xatirələri bir anlıq sükutla yad edilmişdir.
Sonda, Səbail Rayon İcra Hakimiyyətinin rəhbərliyi altında məktəb rəhbərliyi və məktəbin «Bayraqdar» dəstəsi ilə birgə Badamdar Qəbirsanlığında Şəhidin məzarı ziyarət edilmişdir. Allah şəhidlərimizə rəhmət eləsin.
