Son Zəng
İyun ayının 14-də məktəbdə Azərbaycan Respublikasının Təhsil Nazirinin əmrinə uyğun olaraq “Son Zəng” tədbiri keçirilmişdir.
Tədbirdə Bakı Şəhəri üzrə Təhsil İdarəsinin İctimaiyyətlə əlaqələr sektorunun müdiri Bəşarət Məmmədov, “Yaşat” fondunun məsul şəxsi Mənsum İbrahimov, məktəb rəhbərliyi, 11-ci siniflərin sinif rəhbərləri və məzunları iştirak etmişlər. Tədbiri məktəbin direktoru Sədaqət xanım Əzimova açıq elan etmiş, Azərbaycan Respublikasının Himni səsləndirilmişdir və Şəhidlərin əziz xatirəsi bir dəqiqəlik sükutla yad olunmuşdur. Daha sonra tədbir iştirakçılarına Zəfər Qələbəmizdən, 2020-2021-ci il tədris ilində əldə olunmuş uğurlardan və pandemiya qaydalarına uyğun olaraq keçirilmiş tədbirlərdən, məktəbdə yeni yaradılan “Qarabağ Azərbaycandır” lektoriyası haqqında məlumat verilmişdir.
Sonda Azərbaycan Respublikasının xalq artisti Mənsum İbrahimov, Bakı Şəhəri üzrə Təhsil İdarəsinin İctimaiyyətlə əlaqələr sektorunun müdiri Bəşarət Məmmədov çıxış edərək məzunları təbrik etmiş və gələcək həyatlarında uğurlar arzulamışlar.
