"Gəldi Novruzum,Ülkər ulduzum"
Bahar öz gözəlliyi ilə bütün fəsillərdən fərqləndiyi kimi, bu bayram günlərində məktəbimiz də öz səliqə-səhmanı ilə başqa günlərdən fərqlənirdi.Yəni Novruz bayramı öz təranələri ilə, bahar ətirli çiçəkləri ilə məktəbimizi bəzəmişdir. Martın 16-da bütün siniflər bu sevimli bayramı yüksək şəkildə qeyd etdilər.Martın 17-də “Gəldi Novruzum, Ülkər ulduzum” adı altında ümumməktəb tədbiri keçirildi. Bəşəriyyətin ən qədim ayinləri, bayramları, insanların təbiətlə bağlı təsəvvürləri haqqında məlumatlar verildi. Novruz xalqın bolluğa, şənliyə, qüdsiyyətə qovuşma,təbiətin oyanma bayramı kimi qeyd edildiyi vurğulandı. Şənlikdə Bahar qızı, Kosa və Keçəl öz gəlişləri ilə xüsusi ab-hava yaratdılar.Tədbirimiz Novruz alqışları ilə başa çatdı. Bütün Azərbaycan xalqına bar-bərəkət,xoşbəxtlik, cansağlığı arzulayırıq. Qoy tale bizə yar olsun, torpaqlarımız azad olunsun. Novruz üzümüzə gülsün.
