Yol hərəkəti qaydaları.
20.05.2016-cı il tarixində Bakı şəhəri T.Məmmədov adına 239№- li tam orta məktəbdə, “Yol hərəkəti qaydaları” mövzusunda tədbir keçirilmişdir.Tədbiri məktəbin direktoru Sədaqət Əzimova açaraq qonaqları təqdim etmiş, mövzu haqqında qısa məlumat vermişdir.Tədbirdə Səbail RPİ-nin YYÇPTİB-nin rəisi polis polkovnik-leytenantı Anar Nağıyev, Səbail RPİ-nin DYPŞ-nin əməkdaşı polis leytenantı Bəhruz Əliyev, Səbail RPİ-nin 41-ci polis bölməsinin YYÇ-nın işi üzrə inspektoru polis kapitanı Zahir Əbilhəsənov iştirak etmişlər. Tədbir azyaşlıların yol hərəkəti qaydalarının öyrənilməsi və təbliğinə həsr edilmişdir. Tədbirdə mövzunun təqdimatı ilə bağlı video çarxlardan və slaydlardan istifadə edilmişdir. Mövzu ətrafında şagirdlərlə polis palkovnik-leytenantı Anar Nağıyev arasında geniş diskussiya keçirilmiş, eyni zamanda şagirdlər tərəfindən qaldırılan suallar polis leytenantı Bəhruz Əliyev tərəfindən cavablandırılmışdır.Tədbirdə eyni zamanda şagirdlərin mövzu ilə əlaqədar əl işləri və rəsmləri nümayiş etdirilmişdir. 2 saata qədər davam edən tədbir iştirakçıların böyük marağına səbəb olmuş və gələcəkdə bu cür tədbirlərin daha geniş miqyasda keçirilməsi təklifi irəli sürülmüşdür.
