Xüsusi dərslər keçirilib
Aprel ayının 19-da məktəbin ingilis dili müəllimi Əliyeva Kəmalə tərəfindən 23 Aprel- Ümumdünya İngilis Dili Gününə hazırlıq məqsədi ilə xüsusi dərslər keçirilib. Ümumdünya İngilis Dili Gününün keçirilməsinin əsas məqsədi çoxdillilik ənənələrini möhkəmləndirmək, böyük ingilis şairi, yazıçısı, dünyanın ən məşhur dramaturqu Vilyam Şekspirin irsini öyrənməkdən ibarət olub.
İlk olaraq müəllim qeyd edib ki, bu gün İngilis dili ―dünya dili hesab olunur və bu dildə dünyanın onlarla ölkəsində bir milyarddan çox insan danışır. Bu günün qeyd edilməsi böyük ingilis şairi, yazıçısı, dünyanın ən məşhur dramaturqu Vilyam Şekspirin anadan olduğu günlə bağlıdır.
VII “B” və VII “C” sinif şagirdləri dramaturqun həyatı və irsi haqqında araşdırmalar aparıb, yeni məlumatlar əldə ediblər.
X “A” sinif şagirdləri V. Şekspirin əsərləri, Qlob teatrı və şairin aforizmlərinə həsr olunmuş divar qəzeti hazırladıqdan sonra "Şekspir guşəsi"ni yaradıblar.
