Məzunlara tam orta təhsil haqqında attestatlar təqdim olunub
15 iyul 2024-cü il tarixində ümumi təhsil pilləsində təhsil haqqında dövlət sənədlərinin nümunələri və onların verilməsi qaydasının müvafiq bəndinə uyğun olaraq 11c sinfini bitirən məzunlara məktəbin direktoru Seymur Yusibov tərəfindən təntənəli surətdə tam orta təhsil haqqında attestatlar təqdim olunub. Məktəbin direktoru məzunları təbrik edib, onların təhsil sahəsində qazandıqları uğurları yüksək qiymətləndirib və gələcək həyatlarında müvəffəqiyyətlər arzulayıb. Biz də məzunlarımızı bu mühüm gün münasibətilə bir daha təbrik edir və onlara həyatın növbəti mərhələlərində uğurlar arzu edirik!
