Bir tarixdir Qanlı Yanvar
4b ibtidai sinif müəllimi Qızılgül Qənbərova ilk dərsini "20 Yanvar xalqımızın ümumxalq qürur günüdür” mövzusuna həsr etmişdir. Şagirdlər şəhidlər haqqında bildikləri şeirləri söyləmişlər. Qızılgül müəllimə şagirdlərinə bildirmişdir ki, 20 Yanvar şəhidlərinin ruhu dərd yükü deyil, doğma torpağın müqəddəsliyinə əbədi abidə, həyat sevgisidir. İbtidai sinif müəllimləri İradə Cəbrayılova və Cəlalə Məhərrəmova şagirdləri ilə birlikdə Şəhidlər xiyabanını ziyarət etmiş, şəhidlərin məzarı üzərinə qırmızı qərənfillər qoyaraq onların ruhlarını ehtiramla yad etmişlər. Cəlalə müəllimə şagirdləri ilə birlikdə “Əbədi məşəl” önündə xatirə olaraq şəkil çəkdirmişdir.
