"Zəfərimizin təntənəsi" adlı ədəbi-bədii musiqili tədbir keçirilib.
44 günlük Vətən müharibəsində qələbəmizin 4-cü ildönümünə həsr olunmuş "Zəfərimizin təntənəsi" adlı ədəbi-bədii musiqili tədbir keçirildi. Şagirdlərin ifa etdikləri mübariz ruhlu şeirlər və mahnılar, 3-cülərin Vətənə sədaqət və şəhidlərə ehtiram andı qələbəmizdən doğan qüruru ifadə edirdi. Məktəbin müəllimləri: hərbi rəhbər, I Qarabağ savaşının veteranı polkovnik-leytenant Rahim Ağayevin, coğrafiya müəllimi - Füzuli, Xocavənd və Şuşanın azad olunmasında iştirak etmiş Vətən müharibəsi veteranı Elçin Sadıqlının çıxışı xüsusi maraqla qarşılandı. Çıxış edənlər: məktəbin direktoru Zülfiyyə Məmmədhüseynova, Azərbaycan dili və ədəbiyyat müəllimi - əməkdar müəllim Kəmalə Əliyeva, tarix müəllimi Şəlalə Nəcəfova bu böyük zəfərə gedən yol, prezident-xalq-ordu birliyi, Ali Baş Komandan İlham Əliyevin dəmir iradəsi, Azərbaycan ordusunun bütün dünyanı heyrətə salan rəşadəti haqqında fəxrlə danışdılar.
