"Nə? Harada? Nə zaman?" intellektual yarışması keçirilib.
Məktəbin Kiçik Akademiyası tərəfindən Zəfərimizin 4-cü ildönümünə həsr olunmuş "Nə? Harada? Nə zaman?" intellektual yarışması keçirilib. Tədbir şəhidlərimizin xatirəsinin birdəqiqəlik sükutla yad edilməsi ilə başlanıb. Məktəbin 10-11-ci sinif şagirdlərindən ibarət 5 komanda: "Zəfər"(11a), "Dəmir yumruq" (11b), "Müzəffər" (11p), "Xarıbülbül"( 10a), "İdrak"(10p) biliklərini sınayıblar. "Zəfər"(11a) - I yer, "Müzəffər" (11p) - II yer, "Dəmir yumruq"(11b) - III yeri qazanaraq fəxri fərmanla təltif olunublar. Çempionlara kubok da təqdim olunub. Məktəbin direktoru Zülfiyyə Məmmədhüseynova tədbirin sonunda çıxış edərək KA-nın idarə heyətinə və bütün iştirakçılara təşəkkürünü bildirib, daim zəfər qazanan şagirdimizi məhz Zəfər Günü tədbirində təbrik etmək istədiyini bildirərək məktəbimizi müxtəlif beynəlxalq olimpiadalarda layiqincə təmsil edib medallar qazanan Bəkərova Aylinə (7a) diplom təqdim edib.
