Aprel döyüşləri bizim şanlı tarixi qələbəmizdir.
Aprel döyüşləri bizim şanlı tarixi qələbəmizdir. 2 il öncə aprel ayının 01-04-nə kimi əsgərlərimiz cəbhə xəttində sücaət göstərərək, Lələtəpə yüksəkliyi, Talış kəndini düşmənlərdən azad etmişlər. Sözsüz ki, qələbə itkisiz əldə oluna bilməz. Aprel döyüşlərində qəhrəmanlıqla, şəhid olan igid oğullarımızdan biri də Pirallahı Rayonu sakini Sərvan Mehrəliyevdir. Hər il olduğu kimi, bu il də biz bu qəhrəman oğullarımızın xatirəsini hörmətlə yad edirik. Məktəbin bir qurup müəllim və şagird kollektivi Sərvanın anasına baş çəkməyə getdik. Anası kövrələrək Sərvanın uşaqlıq illərindən onları necə məşəqqətlə böyütdüyündən, sakit, başıaşağı bir gənc olduğundan yana-yana söz açdı. Sonda kollektiv adından təlim tərbiyə işləri üzrə direkror müavini Cəfərova Elza, müəllimlər Alməmmədov Xəqani, Ağayev Fazil, UBTR Cabbrayılova Günel, çıxış edərək, Sərvanın cismən aramızda olmasa da, ruhən qəlbimizdə yaşadığını qeyd etdilər. Şagirdlər şəhidimizin anasının əllərini opüb onu qucaqladılar. Sevimli, Vətənpərvər şagirdlərimizə Vətənə layiqli övlad olmaqlarını arzulayırıq .Təlim tərbiyə işləri üzrə direktor müzvini Cəfərova Elza.
