SON ZƏNG
14 iyun tarixində məktəbimizdə “Son zəng” tədbiri keçirildi.
Tədbir Azərbaycan Respublikasının Dövlət himninin səsləndirilməsi ilə başladı. Torpaqlarımızın azadlığı uğrunda canlarını qurban verən şəhidlərimizin ruhu bir dəqiqəlik sükutla yad edildi. Tədbiri giriş sözü ilə açan məktəb-liseyin direktor əvəzi Məleykə Abışova məzunları Son zəng münasibətilə təbrik edərək gələcək həyatlarında onlara uğurlar arzuladı. Şagirdlərin təlim-tərbiyəsində, məktəbin ictimai işlərində fəallıq göstərən müəllimlər Təşəkkürnamə ilə təltif olundu. Tədbirdə şəhid atası Davud Orucov, Sabunçu rayon İcra Hakimiyyətinin nümayəndəsi iştirak etdi. Şagirdlərin hazırladıqları musiqili-bədii çıxışlar tədbir iştirakçılarında xoş təəssürat yaratdı. Yolunuz açıq olsun əziz məzunlar!
