213 №-li məktəb-lisey

 Məktəb-liseyin VII b sinif şagirdi Kaymas Əli Yusif oğlu İnternational STEM Olympiad 2023  19 fevral 2023 cü il tarixində keçirilmiş final mərhələsində uğurlu iştirak  edərək dünya üçüncülüyü qazanaraq Digital Bronze Medal və Digital Achievement Certificate ilə təltif edilmişdir

 Bakı şəhəri üzrə Təhsil İdarəsinin 3-29-59/3-2-123 F /2023 nömrəli 13.03.2023-cü il tarixli əmri ilə təsdiq edilmiş “Dəyərlərimizi qoruyaq” layihəsi çərçivəsində 13-17 mart tarixində məktəb-liseyin psixoloqu Yeganə Vəliyeva, uşaqlarla sinifdən xaric və məktəbdən kənar işləri üzrə təşkilatçı İlhamə Əsgərova tərəfindən V-VII sinif şagirdlərinin iştirakı ilə “Elimizə Novruz gəlir” mövzusunda rəsm sərgisi təşkil olundu.

 Eyni zamanda sərginin keçirilməsində digər məqsəd MİP-da “Təlim nəticələri aşağı olan şagirdlərin tədbir və sərgilərə cəlb olunması” bəndinə uyğun olaraq təlimdə zəif nəticə göstərən şagirdlərin iştirakı da təmin olundu.

 17 mart tarixində isə Va-Vb sinif şagirdləri sinif üzrə, qalib gələn digər şagirdlər isə fərdi olaraq diplom ilə təltif olundular

 14 mart tarixində məktəb-liseyn Ia sinif şagirdləri və sinif rəhbəri Dadaşova Fəxriyyə muəllimənin təşkilatçılığı ilə  “Milli adət-ənənələrimiz” başlığında tədbir keçirildi. Tədbirdə şagirdlər Milli bayramımızın tarixini əks etdirən guşə hazırladılar. Tədbirin məqsədi şagirdlərə keçmişimizdən, soy-kökümüzdən gələn adətlərimizi və davam etdirməyin vacibliyini mənimsəmək idi. Novruz bayramını təsvir edən əyləncəli oyunlar keçirdilər.

 Bayram münasibətilə məktəbin direktoru Səbinə Əliyeva, təlim tərbiyə işləri üzrə direktor müavini Məleykə Abışova, uşaqlarla sinifdənxaric və məktəbdənkənar işləri üzrə təşkilatçı İlhamə Əsgərova, psixoloq Vəliyeva Yeganə və UBTR Çerpanova Möminə tədbirdə istirak edərək şagirdləri təbrik etdilər.

 Uşaqlar ilaxır çərşənbə haqqında məlumat verdilər, baharı əks etdirən şeirlər söylədilər, mahnı oxuyub rəqs etdilər. Kosa, keçəl və Bahar qızı personajları şagirdləri əyləndirdi, qədim oyunumuz olan “Kasa-kasa” oyunu da oynadılar. Geyindikləri milli geyimləri tədbirə rəngarənglik qatdı.

 14 mart tarixində məktəb-liseyin psixoloqu Yeganə Vəliyeva IX sinif şagirdləri ilə “Şagirdlərin peşəyönümü tərbiyəsinin təşkili mövzusunda “ maarifləndiriçi seminar keçirtdi.

 Seminar zamanı şagirdlərə peşəyönümü fəaliyyətinin təməl prinsipləri və bu prosesə kimlərin cəlb olunması, gələcək peşələrin düzgün və uğurlu seçilməsi, peşələr aləmi haqqında ətraflı məlumat verildi. Eyni zamanda peşə təhsilinin əhəmiyyəti, şagirdlər arasında peşəyönümü işinin düzgün təşkilinin vacibliyi də vurğulandı.

 Şagirdlər peşə seçərkən maraq, baçarıq və meyillərinin hansı sahədə daha çox uğur qazana biləcəkləri istiqamətində tövsiyyələr verildi. Qeyd olundu ki, bu gün düzgün və düşünülmüş peşə seçimi gələcəkdə onların uğurunun təminatçısıdir.

 Seminar zamanı şagirdlərə peşələr aləmi haqqında slaydlar və videoçarx nümayiş olundu.

 Şagirdlərin peşə seçərkən hansı peşə sahəsinə meyl, maraq və bacarıqlarının olduğunu müəyyənləşdirmək üçün anket sorğu keçirildi.

 13 mart tarixində məktəb-liseyin tibb bacısı Ləzifə Binyətova tərəfindən IVa-VIIb sinif şagirdləri ilə “Su çiçəyi xəstəliyi” mövzusunda maarifləndirici söhbət aparıldı. Söhbət zamanı qeyd olundu ki, xəstəliyi daha da rahat keçirtmək üçün bir sıra gigiyenik qaydalara riayət etmək lazımdır- əllər təmiz saxlanılmalı, pəhrizə riayət edilməli və çalışmaq lazımdır ki, bədənə su dəyməsin.

 Sonda şagirdlər onları maraqlandıran sualları verdilər.