31 Dekabr-Dünya Azərbaycanlılarının Həmrəylik Günü və Yeni il şənliyi
28-29.12.2016-cı il tarixində məktəbdə "31 Dekabr-Dünya Azərbaycanlılarının Həmrəylik Günü"nə və "Yeni il"ə həsr olunmuş tədbirlər keçirilib. Tədbirin birinci günündə məktəbin yuxarı sinifləri, ikinci günündə isə məktəbin ibtidai sinifləri iştirak edib. Çıxış sözü ilə tədbirləri açan məktəbin direktoru Rəna Ağazadə şagirdləri və müəllim heyətini qarşıdan gələn bayramlar münasibətilə təbrik edərək onlara müvəffəqiyyətlər arzulayıb. Yeni ilin atributu olan Şaxta baba şagirdlər arasında yadda qalan müxtəlif oyunlar keçirib, qalibləri hədiyyələrlə mükafatlandırıb.
