"Hüquqlarımızı qoruyaq" adlı tədbir keçirilib
21.11.2016-ci il tarixində konfrans zalında məktəbin tarix müəllimi Xatirə İsmayılovanın təşkilatçılığı ilə 8-ci siniflərin təqdimatında "Hüquqlarımızı qoruyaq" adlı tədbir keçirildi.Tədbir Dövlət Himninin səsləndirilməsi ilə başladı. Tədbir iştirakçılarını salamlayan müəllim 1989-cu il noyabr ayınıın 20-də Birləşmiş Millətlər Təşkilatı tərəfindən qəbul olunmuş Uşaq Hüquqları Konvensiyasının hökumətlərin qarşısına qoyduğu vəzifələrdən danışdı. Şagirdlər uşaq hüquqlarının bəzi maddələri haqqında geniş məlumat verdilər. Kiçik səhnəciklər nümayiş etdirildi. Uşaq hüqularının pozulması və qorunmasını əks etdirən film nümayiş etdirildi. Filmin nümayişindən sonra müəllim və şagirdlər arasında debatlar keçirildi. 
