Pedoqoji şuranın növbədənkənar iclası
May ayının 22-də məktəbdə Azərbaycan Respublikası Təhsil nazirinin 13 may 2019-cu il tarixli, F-260 nömrəli və Bakı Şəhəri üzrə Təhsil İdarəsinin 20 may 2019-cu il tarixli, F-233 nömrəli əmrlərinin icrasını təmin etmək məqsədilə, pedoqoji şuranın növbədənkənar iclası keçirildi. Məktəbin direktoru Arizə Mahmudova çıxış edərək, əlverişli təlim və inkişaf mühitinin yaradılması, şagirdlərin sağlamlığının və təhlükəsizliyinin təmin edilməsi, tərbiyə işinin, məktəb-ailə münasibətlərinin düzgün tənzimlənməsi, xüsusi hallarla bağlı davranış modellərinin formalaşdırılması sahəsində tədbirlərin həyata keçirilməsi, təlim-tərbiyə prosesinin keyfiyyəti, şagirdlərin şəxsiyyət kimi formalaşdırılması, məktəbdə psixoloji xidmət və sağlam psixoloji mühitin rolu, xüsusi hallarda kommunikasiyanın təşkili barədə geniş məlumat verdi. İclasda bir sıra məsələlər müzakirə olunub, pedoqoji heyətə müvafiq tövsiyə və tapşırıqlar verildi.
