209 №-li tam orta məktəb

Ümumi təhsil müəssisələrinin IX-XI sinif şagirdlərinin iştirakı ilə keçirilən “Zəkaların mübarizəsi” olimpiadasının bilik yarışı kateqoriyasında Bakı şəhəri üzrə regional mərhələsi keçirilib.

Paytaxtdakı 133 nömrəli tam orta məktəbdə təşkil olunan tədbirdə Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin (MÜTDA) direktor müavini, Bakı Şəhəri üzrə Təhsil İdarəsinin müdiri vəzifəsini müvəqqəti icra edən Nərminə Hüseynova, Yasamal Rayon İcra Hakimiyyətinin (RİH) başçısının müavini Təravət Muradova, Təhsil İnstitutunun direktor müavini Fuad Qarayev, BŞTİ-nin struktur bölmə rəhbərləri, məktəb direktorları və “Zəkaların mübarizəsi” olimpiadasının regional mərhələsinə vəsiqə qazanan komandalar iştirak ediblər.

Tədbir Dövlət Himninin səsləndirilməsi, Vətən şəhidlərinin əziz xatirəsinin bir dəqiqəlik sükutla yad edilməsi ilə başlayıb.

Tədbirdə Nərminə Hüseynova Heydər Əliyev Fondu və Elm və Təhsil Nazirliyinin birgə əməkdaşlığı ilə reallaşdırılan olimpiadanın əsas məqsədinin fənlərin dərindən öyrənilməsinə marağın artırılması, onların dünyagörüşünün genişləndirilməsi, sağlam rəqabət mühitinin  yaradılması, şagirdlər arasında dostluq əlaqələrinin qurulması və ümumilikdə şagirdlərin öyrənməyə təşviq edilməsindən ibarət olduğunu xatırladıb.

 Regional mərhələdə iştirak edən komandalara uğurlar arzulayan N.Hüseynova bu cür olimpiadaların şagirdlərin  bilik və bacarıqlarını artırmaqla bərabər, həm də  onlarda təlim motivasiyasını yüksəldəcəyinə, özünəinam hissinin artırılmasına müsbət təsir göstərəcəyinə əminliyini ifadə edib.

Təhsil İnstitutunun direktor müavini Fuad Qarayev, Yasamal RİH başçısının müavini Təravət Muradova olimpiada və müsabiqələrdə istedadlı şagirdlərin üzə çıxarılmasının ölkəmizin gələcək yüksək savada malik kadr potensialının formalaşması baxımından önəmli rolunu vurğulayıb, bu cür bilik yarışlarının şagirdlərə yalnız elm deyil, həm də dünyagörüşü qazandırdığını bildiriblər.

Tədbir ədəbi-bədii kompozisiyalarla davam edib.

Daha sonra regional mərhələyə vəsiqə qazanmış 12 komanda riyaziyyat-məntiq, rəqəmsal texnologiyalar, təbiət elmləri, humanitar elmlər, mədəniyyət və incəsənət olmaqla 5 müxtəlif istiqamət üzrə 25 sualı cavablandırıblar.

 İlk 5 yeri tutan komandalar - Xəzər, Nəsimi, Yasamal, Xətai və Nərimanov komandaları olimpiadanın respublika mərhələsində iştirak hüququ qazanıb.

Qalib komandalara diplomlar təqdim olunub.

           Valideynlərin nəzərinə! Aşağıda qeyd olunan problemlərlə bağlı məlumatlara cavab almaq üçün məktəbə yaxınlaşa bilərsiniz !

           QƏBUL GÜNÜ: həftənin Bazar ertəsi saat 10:00-15:00

   I sinfə hansı yaş uşaqlar qəbul edilir?

   I sinfə şagird qəbulu hansı formada aparılır?

   Üstünlük hüququna əsasən şagird qəbulu aparılan məktəblər nəyə əsasən təyin edilir?

   Dislokasiya nədir, nə üçün tətbiq edilir və hansı məktəblərə tətbiq edilir?

    Məktəblərin əraziləri hansı orqan tərəfindən müəyyən edilir?

   Məktəbəhazırlıq qruplarına hansı uşaqlar qəbul edilir?

   Məktəbəhazırlıq qruplarına qəbul hansı formda həyata keçirilir?

   Uşaq həm məktəbəhazırlıq qruplarında, həm də dövlət məktəbəqədər müəssisədə təlim tərbiyəyə cəlb edilə bilərmi?

   I sinfə qəbul sistemində və şagird yerdəyişməsi sistemində şagird yerləri necə təyin edilir?

   Hansı halda şagird buraxılış imthanalarında iştirak edə bilmir?

   Eksternat qaydada imtahanlarda kimlər iştirak edə bilər?

   Eksternat qaydada imtahanlarda iştirak etmək istəyən vətəndaş nə vaxt və hara müraciət etməlidir?

   X sinfə şagird qəbulu hansı formada aparılır?

   Rəqəmsal platformada qeydiyyatdan keçən zaman yaranmış problemlə bağlı hara müraciət edilməlidir?

                                                                                    Hörmətlə :    Məktəb rəhbərliyi

Vətənpərvərlik tərbiyəsi öz Vətəninə sevgi və məhəbbət hissinin, vətəndaş məsuliyyətinin artırılması, hər an Vətəninin və xalqının müdafiəsinə qalxmağa hazırlığın formalaşması üçün olduqca vacibdir. Bu hissin aşılanması, vətənpərvərlik mövzularına həsr olunmuş tədbirlərin keçirilməsi şagirdlərdə qəhrəmanlıq və məğlubedilməzlik kimi ən ülvi hisslərin yaranmasında və dərinləşdirilməsində mühüm rol oynayır. Bu məqsədlə Maştağa qəsəbəsinin Vətən müharibəsi şəhidi Novruzov Rəşadın ad günü ilə əlaqədar olaraq, aprelin 3-də məktəb rəhbərliyi, bir qrup müəllim, valideyn və şagird heyəti şəhidin məzarını ziyarət etdilər. Ölkəmizin müstəqilliyi və ərazi bütövlüyü uğrunda canından keçmiş şəhidimizin məzarı üzərinə qərənfillər qoydular və vətənpərvərlik mövzusunda şeirlər səsləndirdilər. Həmçinin Maştağa qəsəbə Şəhidlər xiyabanı da ziyarət olundu, şəhidlərimizin unudulmaz xatirəsi şagird və müəllimlərimiz tərəfindən daima hörmət və ehtiramla yad edilir.

Aprelin 2-də Sabunçu rayonu, Maştağa qəsəbə sakini, İkinci Qarabağ müharibəsində şəhidlik zirvəsinə yüksələn məktəbimizin şəhid məzunu Səmədov Məhərrəm Elxan oğlunun ad günü Maştağa Mədəniyyət mərkəzində şəhidin ailə üzvləri, şəhid valideynləri, rayon icra nümayəndələri, qazilər, məktəb direktorları, müəllim kollektivi və valideynlər ilə birlikdə qeyd olundu. Tədbir Azərbaycan Respublikasının Dövlət Himninin səslənməsi ilə başlandı. Vətən uğrunda canından keçmiş şəhidlərin əziz xatirəsi bir dəqiqəlik sükutla yad edildi. Tədbiri çıxış sözü ilə açan məktəbin direktoru Səbahət Ağayeva şəhidin ailəsinə baş sağlığı verərək, Azərbaycan Ordusunun qüdrətindən, şəhidlərimizin döyüş zamanı göstərdiyi qəhrəmanlıqlardan söz açıb və rəşadətli ordumuz, qəhrəman oğullarımız qəhrəmanlıq göstərərək həyatları bahasına torpaqlarımızı düşməndən işğalçılardan azad etdiyini qeyd etdi. Tədbirdə çıxış edənlər şəhid Səmədov Məhərrəmin keçdiyi qısa və mənalı həyat yolundan söz açıb, vətənimizin bütövlüyü uğrunda mübarizədə canlarından keçmiş şəhidlərin əziz xatirəsini daim uca tutmağı, vətən uğrunda mübarizənin vacibliyi, tarix yazan qəhrəman şəhidlərin and yerimizə, ziyarət məkanımıza çevriləcəklərini bildirdilər. Şəhidimizin doğum günündə məktəbimizin şagirdləri vətənpərvər ruhda şeirlər, mahnılar söyləyib, səhnəciklər nümayiş etdirdilər. Şəhidin atası Səmədov Elxan bu gün şəhid oğlunun ad günündə göstərilən diqqət və qayğıya görə ölkə başçısı Cənab İlham Əliyevə, Birinci vitse-prezident Mehriban xanım Əliyevaya ailəsi adından təşəkkürünü bildirdi.

Tədbirin keçirilməsində şərait yaratdığına görə 209 nömrəli tam orta məktəbin kollektivi adından Maştağa Mədəniyyət mərkəzinin rəhbəri Tofiq müəllimə minnətdarlığımızı bildiririk!

Məktəbin rəhbərliyi, müəllim və şagird heyəti daim şəhidlərimizi yad edir və onların ailələrini ziyarət etməkdə davam edirlər. Martın 27-də məktəbimizin şəhid məzunu, 44 günlük Vətən müharibəsi şəhidi Səmədov Məhərrəm Elxan oğlunun doğum günü ilə əlaqədar olaraq, məktəb rəhbərliyi, bir qrup müəllim və şagird heyəti şəhidin məzarını ziyarət edib, onun xatirəsini böyük ehtiramla yad etdilər. Tədbirdə 209 nömrəli məktəbin rəhbərliyi, rayon ictimaiyyəti nümayəndələri və qazilər iştirak edirdilər. Tədbirdə şagirdlər ölkəmizin müstəqilliyi və ərazi bütövlüyü uğrunda canından keçmiş şəhidimizin məzarı üzərinə qərənfillər qoydular və vətənpərvərlik mövzusunda şeirlər səsləndirdilər.