Valideyn iclası
Aprelin 11-də XI sinif şagirdlərinin valideynləri və məktəb rəhbərliyinin iştirakı ilə iclas keçirildi. İclasda çıxış edən məktəbin direktoru Səbahət Ağayeva çıxış edərək, müəllim-şagird-valideyn üçbucağının əhəmiyyətindən danışdı. Şagirdlərin təlim nəticələrinin yüksəldilməsi üçün birgə işin vacibliyindən bəhs etdi. Şagirdlərə şəxsiyyət kimi yanaşmağın əhəmiyyətini qeyd edib, abituriyentlərin psixoloji vəziyyətinin sabit saxlanılmasının əsas şərtlərdən olduğunu nəzərə çatdırdı. İclasda buraxılış imtahanlarının nəticələri müzakirə olundu, valideynləri maraqlandıran suallar cavablandırıldı.
