Ulu Öndər Heydər Əliyevin anım günü ilə əlaqədar seminar
Dekabrın 11-də məktəbdə xalqımızın Ümummilli lideri, Ulu Öndər Heydər Əliyevin anım günü ilə əlaqədar 6 c sinif şagirdlərinin iştirakı ilə tarix müəllimi Aytən Həsənova seminar dərs təşkil etdi. İlk öncə Ümummilli lider Heydər Əliyevin əziz xatirəsi bir dəqiqəlik sükutla yad edildi. Sonra Ulu Öndərin həyatı, onun Azərbaycan tarixində, Azərbaycan xalqının müstəqilliyində oynadığı mühüm rolu haqqında şagirdlərə məlumat verildi. Qeyd edildi ki, Ümummilli lider Heydər Əliyev müasir dünya tarixinə parlaq və silinməz iz qoymuş böyük şəxsiyyət, qeyri-adi zəka, fitri-istedad sahibi, müdrik dövlət xadimi kimi düşmüşdür. Sonda Ulu Öndərin həyat və yaradıcılığını əks etdirən təqdimatlar və videoçarx nümayiş olundu.
