Vətən müharibəsi şəhidi Əliyev Bəhruzun doğum günü
Oktyabrın 24-də 209 mömrəli tam orta məktəbdə Vətən müharibəsi şəhidi Əliyev Bəhruzun doğum gününə həsr olunmuş tədbir keçirildi. Tədbirdə qonaq qismində Yazıçılar birliyinin üzvü Aliyə xanım, məktəb direktorları, şəhid ailələri və Əliyev Bəhruzun ailə üzvləri iştirak edirdilər. Doğum gününə həsr olunmuş tədbirdə Azərbaycan Respublikasının Dövlət Himni səsləndirilib, Vətən uğrunda canlarından keçən şəhidlərin əziz xatirəsi bir dəqiqəlik sükutla yad edildi. Tədbiri məktəbin direktoru Səbahət Ağayeva açaraq, Vətən müharibəsi şəhidi Əliyev Bəhruzun həyat və döyüş yolundan bəhs etdi. Tədbir iştirakçıları Əliyev Bəhruzun qısa və şərəfli ömür yolunu əks etdirən kompozisiya təqdim edib, Vətən və şəhidlərə həsr olunmuş milli ruhda şeirlər söyləyib, mahnılar ifa etdilər.
