İqlim dəyişikliyi ilə bağlı maarifləndirici seminar
İqlim dəyişikliyi Yer kürəsində orta temperaturlar və hava şəraitinin uzunmüddətli dəyişməsidir. Qlobal temperatur insan fəaliyyəti sayəsində artır, onların nəticələri arasında daha sürətli istilik dalğaları və dəniz səviyyəsinin artımı var. Qlobal istiləşmə insanlar üçün daşqınlar, quraqlıq,meşə yanğınları, sunami və epidemiya qədər təhlükə kəsb edən təbiət prosesidir. Bu məqsədlə məktəbin coğrafiya müəllimi Səbinə Mürsəliyeva tərəfindən İqlim dəyişikliyi ilə bağlı maarifləndirici seminar keçirildi. Seminarda İqlim dəyişikliyinin mahiyyəti, yaranan problemin mənfi təzahürləri, problemin qarşısını almaq üçün atılan addımlar barədə ətraflı müzakirələr aparıldı. Sonda şagirdlərin mövzu haqqında fikir və təklifləri dinlənildi.
