44 günlük Vətən müharibəsi şəhidi Tağıyev Kamranın Anım günü
Məktəbin rəhbərliyi, müəllim və şagird heyəti daim şəhidlərimizi yad edir və onların ailələrini ziyarət etməkdə davam edirlər. Oktyabrın 31-də 44 günlük Vətən müharibəsi şəhidi Tağıyev Kamranın Anım günü ilə əlaqədar olaraq, məktəb rəhbərliyi, bir qrup müəllim və şagird heyəti şəhidin məzarını ziyarət edib, onun xatirəsini böyük ehtiramla yad etdilər. Tağıyev Kamran 27.09.2001-ci il tarixdə Bakı şəhəri, Maştağa qəsəbəsində anadan olub. C.Nurməmmədov adına 108 saylı orta məktəbin məzunudur. 2020-ci il sentyabrın 27-də Azərbaycanın ərazi bütövlüyünün bərpa olunması üçün başlanan İkinci Qarabağ müharibəsi zamanı Suqovuşan və Talış döyüşlərində savaşıb. 31 oktyabr 2020-ci ildə Tərtər rayonu, Talış kəndi istiqamətində hərbi əməliyyatlar zamanı qəhrəmancasına şəhid olub. Kamran Tağıyev ölümündən sonra "Vətən uğrunda", "Suqovuşanın azad olunmasına görə" və Cəsur döyüşçü" medallları ilə təltif olunub.
