"Zəfər Günü"nə həsr olunmuş nümunəvi dərs
Oktyabrın 24-də məktəbin biologiya müəllimi Nərgiz Hüseynova və 8 b sinif şagirdlərinin iştirakı ilə "Zəfər Günü"nə həsr olunmuş nümunəvi dərs keçirildi. Dərsdə Nərgiz Hüseynova tərəfindən torpaqlarımızın işğaldan azad edilməsinin tarixi əhəmiyyəti, dövlətimizin gələcək inkişafı və nüfuzu baxımından müstəsna əhəmiyyət kəsb edən bu misilsiz qələbə haqqında geniş danışıldı. Həmçinin Qarabağın flora və faunası haqqında məlumat verildi. 8 b sinif şagirdləri şəhidlərimiz, qazilərimiz haqqında geniş məlumatlar səsləndirdilər. Qeyd edildi ki, 2020-ci il sentyabrın 27-dən başlayan, işğal altındakı ərazilərimizin azad edilməsi ilə nəticələnən Vətən müharibəsi tariximizin ən parlaq səhifəsinə çevrilib. Xalqımızın döyüş əzminin və qüdrətinin təntənəsinə çevrilən bu qələbə tariximizin zəfər salnaməsidir.
