Sinif rəhbərlərinin ümumi iclası
Sentyabrın 20-də məktəb rəhbərliyinin iştirakı ilə sinif rəhbərlərinin ümumi iclası keçirildi. Məktəbin direktoru Səbahət Ağayeva tərbiyə işinin səmərəli təşkili, məktəb-ailə münasibətlərinin düzgün tənzimlənməsi, şagirdlərin sağlamlığının və təhlükəsizliyinin təmin edilməsi, məktəbdə sağlam psixoloji mühitin qorunub saxlanılması barədə danışdı. Sinif rəhbərlərinə məktəbdə baş verə biləcək xüsusi halların qarşısının alınması, təlim-tərbiyə prosesinin keyfiyyətinin artırılması, şagirdlərin şəxsiyyət kimi formalaşdırılması, istiqamətində fəaliyyətlərini gücləndirməyi tövsiyə etdi.
İclasda həmçinin aşağıdakı mövzulara toxunulmuşdur:
- Davamiyyət
- 2023/2024-cü tədris ilində tədrisin keyfiyyəti
- Diaqnostik qiymətləndirmə
- Şagirdlərlə iş
- Şagirdlərin təlim-tərbiyəsi ilə bağlı digər məsələlər.
İclas zamanı bir neçə sinif rəhbərlərinin çıxışı dinlənildi. Sonda qarşılıqlı fikir mübadiləsi aparıldı.
