Vətən müharibəsi şəhidi Ağayev Vahidin anım günü
Maştağa qəsəbəsinin Vətən müharibəsi şəhidi Ağayev Vahidin anım günü ilə əlaqədar olaraq, noyabrın 17-də məktəb rəhbərliyi, bir qrup müəllim, valideyn və şagird heyəti şəhidin məzarını ziyarət etdilər. Anım tədbirində 209 nömrəli məktəbin rəhbərliyi, şəhid ailələri və rayon ictimaiyyəti nümayəndələri iştirak edirdilər. Şagirdlər ölkəmizin müstəqilliyi və ərazi bütövlüyü uğrunda canından keçmiş şəhidimizin məzarı üzərinə qərənfillər qoydular və vətənpərvərlik mövzusunda şeirlər səsləndirdilər. Həmçinin Maştağa qəsəbə Şəhidlər xiyabanı da ziyarət olundu, şəhidlərimizin unudulmaz xatirəsi şagird və müəllimlərimiz tərəfindən daima hörmət və ehtiramla yad edilir.
