“Şirvanşahlar Saray Kompleksi” muzey-qoruğuna və "Qız Qalası"na ekskursiya
Mayın 29-da məktəbin 6 c sinif şagirdlərinin “Şirvanşahlar Saray Kompleksi” muzey-qoruğuna və "Qız Qalası"na ekskursiyası təşkil olunmuşdur. Ekskursiya zamanı məktəblilər Şirvanşahlar sarayının tarixi və "Qız Qalası" ilə yaxından tanış olublar. Şagirdlərə bildirilib ki, Şirvanşahlar sarayı — Şirvanşahların (Şirvan hakimlərinin) Azərbaycanın paytaxtı Bakı şəhərində yerləşən köhnə iqamətgahıdı. Kompleksə saraydan başqa divanxana, Şirvanşahlar türbəsi, minarəsi, 1441-ci ilə aid saray məscidi, hamam və saray alimi Seyid Yəhya Bakuvinin türbəsi daxildir. Daha sonra "Qız Qalası" haqqında məlumat verilib. Bildirilib ki, Qız qalası — Bakının, eləcə də Abşeronun ən möhtəşəm və sirli memarlıq abidəsidir. Qala qədim qala divarlarının cənub-şərq hissəsində, dənizkənarı parkın (bulvar) yaxınlığında yerləşən tarixi abidədir. Şagirdlər ekskursiyadan gözəl təəssüratlarla geri dönüblər.
