Azərbaycan Hərbi Tarixi Muzeyinə
Fevralın 6-da şagirdlərdə hərbi vətənpərvərlik hissini gücləndirmək məqsədilə Azərbaycan Hərbi Tarixi Muzeyinə məktəbin 5 c, 7 b, 8 a sinif şagirdlərinin ekskursiyası təşkil olundu. Bələdçi şagirdlərə muzeyin ilk zalı olan qədim orta əsrlər dövrü, Manna-Midiya, Atropatena, Albaniya, Səfəvilər dövlətləri Azərbaycanda xanlıqların yaranması və onların qoşun növləri haqqında ətraflı məlumat verdi. Muzeydə Azərbaycan Ordusunun yaranması və inkişafı, ümummilli lider Heydər Əliyevin həyat və fəaliyyəti, ordu quruculuğu ilə bağlı gördüyü işlər, keçirdiyi görüşlər həmçinin Silahlı Qüvvələrin qoşun növləri üzrə hərbi geyim nümunələri ilə də tanış oldular. Texnika və silah hissəsi rəisi Azərbaycan Hərbi Tarixi Muzeyinin ərazisində nümayiş olunan hərbi texnikalar haqqında verdiyi məlumat şagirdlərdə xoş təəsürat yaratdı.
