“Şəhidlər ölmürlər” adlı tədbir keçirildi
Bu gün məktəbimizdə müstəqilliyimizi öz canları bahasına qazanan 20 Yanvar şəhidlərinin əziz xatirəsinə həsr edilmiş silsilə tədbirlər keçirildi. İlk dərs saatları 20 Yanvar faciəsinə həsr olundu. Bütün siniflərdə Ümumxalq Hüzn Gününü əks etdirən divar qəzetləri tərtib olunmuşdur Siniflərdə şəhidlərin ruhu bir dəqiqəlik sükutla yad edildi.
20 Yanvar faciəsinin 28-ci il dönümü münasibətilə “Şəhidlər ölmürlər” adlı ədəbi bədii kompozisiya keçirildi. Bu tədbirdə məktəbimizin şagirdləri vətənpərvərlik mövzusunda şeirlər söylədilər, səhnəciklər təqdim etdilər. 20 Yanvar faciəsi haqqında ətraflı məlumatlar verildi, videoçarxlar nümayiş etdirildi.
