31 dekabr Dünya Azərbaycanlılarının Həmrəylik Günü və Yeni il münasibətilə tədbir keçirildi
30.12.2017–ci il tarixdə məktəbimizdə “Dünya Azərbaycanlılarının Həmrəylik Günü” və “Yeni il” münasibətilə tədbir keçirildi. Tədbirdə müəllimlər, şagirdlər və valideynlər iştirak etdilər. Tədbiri “Azərbaycan” şeiri ilə açdılar. Dünya Azərbaycanlılarının Həmrəylik Günü 70-dən çox ölkədə azərbaycanlılar tərəfindən qeyd olunur. Bu bayram ayri-ayri ölkələrdə yaşayan azərbaycanlılarla əlaqələr qurmaq, onlar arasında birlik və həmrəylik yaratmaq işində mühüm rol oynayır. Məktəbin Azərbaycan dili və ədəbiyyatı müəllimi 16 dekabr 1991-ci il tarixdə Naxçıvan M.R. Ali məclisinin sədri Heydər Əliyev Dünya Azərbaycanlılarının Birliyini yaratmağın əhəmiyyətini nəzərə alaraq 31 dekabrı Dünya Azərbaycanlılarının Həmrəylik Günü elan etməyini şagirdlərə çatdırdı.
Yeni il Bayramı münasibətilə mahnılar oxundu, rəqslər nümayiş etdirildi və tamaşalardan səhnəciklər göstərdilər.
