Şagirdlər Ümummilli lider Heydər Əliyevin anım günü ilə əlaqədar “Fəxri xiyaban”ı ziyarət etdilər
10.12.2017- ci il tarixdə Ümummilli liderimiz Heydər Əliyevin anım günü ilə bağlı 6-cı sinif şagirdləri Fəxri xiyabanı ziyarət etdilər. Onlar ulu öndərin məzarı üzərinə tər qərənfillər qoydular. Şagirdlərimiz ulu öndərin ruhunu bir dəqiqəlik sükutla yad etdikdən sonra ümummilli liderimizə həsr olunmuş şeirlər söylədilər.
Ulu öndər Heydər Əliyev misilsiz xidmətlərinə görə hər zaman Vətəni, xalqı üçün əziz olaraq qalacaqdır. O, xalqımızın milli iftixarı, ürəklərimizdə özünə yer tapan milli liderimiz, güvənc yerimiz, qürur duyduğumuz bir azərbaycanlı idi. Heydər Əliyev Azərbaycana rəhbərlik etdiyi illərdə uzaqgörən daxili və xarici siyasəti ilə ölkə nüfuzunu artırmış, hər tərəfli inkişafina nail olmuş, müstəqilliyimizi əbədi və dönməz etmişdir.
Elə məhz buna görə də xalqımızın onu əsrin böyük azərbaycanlısı, xalqın xilaskarı, müstəqil Azərbaycan dövlətinin memarı və Azərbaycanı dünyaya tanıdan insan kimi qəbul edir, hörmət bəsləyir və ürəkdən sevir.
Heydər Əliyevin şərəfli və mənalı həyat yolu hər birimiz üçün layıqlı nümunədir.
