Konstitusiya Günümüz mübarək!
Azərbaycanın birinci Konstitusiyası 1921-ci il mayın 19-da I Ümumazərbaycan Sovetlər Qurultayında qəbul edilib. Lakin bu Konstitusiya Sovetlər dövründə qəbul olunduğuna görə Azərbaycan müstəqillik əldə etdikdən sonra yeni Konstitusiyanın hazırlanması zərurəti yarandı. Bunun üçün Prezident Heydər Əliyev başda olmaqla xüsusi komissiya yaradıldı, Konstitusiya layihəsi ümumxalq müzakirəsinə verildi. 1995-ci il noyabrın 12-də ümumxalq referendumu ilə müstəqil Azərbaycanın ilk Konstitusiyası qəbul olundu. Bu barədə məktəbimizin tarix müəlliməsi Tamilla Seydiyeva şagirdlərə geniş məlumat verdi və slaydlar təqdim etdi. Sonra şagirdlərin fikir və mülahizələri dinlənildi.
