"Аlternativ enerji" aylığının qalibləri
Bakı Şəhəri üzrə Təhsil İdarəsinin tabeliyindəki ümumi təhsil məktəblərində “Ekoloji aylıqlar” layihəsi çərçivəsində keçirilən “Alternativ enerji” aylığının qalibləri məlum olub. Mart ayının sonunda “Alternativ enerji” mövzusu üzrə Bakı şəhərindəki ümumi təhsil məktəblərinin fəaliyyəti təhlil edilib və müvafiq meyarlar üzrə “Alternativ enerji sahəsində ayın ən maraqlı ideyası” nominasiyasında 5, 156, 191 və 203 nömrəli məktəblər qalib adına layiq görülüb. Bu mövzu ilə bağlı müsabiqə davam edir. Alternativ və Bərpa Olunan Enerji Mənbələri üzrə Dövlət Agentliyində keçirilən müsabiqədə də məktəbimizin qaliblər sırasında olmağı arzu edirik.
