07 noyabr 2024-cü il tarixində məktəbin akt zalında Azərbaycan dili və ədəbiyyat müəllimi Nigar Hacıyevanın rəhbərliyi altında "Xarıbülbül" adlı zəfər tədbiri keçirildi. Tədbirə Azərbaycan Respublikasının himni ilə başlanıldı. Daha sonra vətən yolunda canlarından keçən şəhidlərimizin ruhu bir dəqiqəlik sükutla yad edildi.Tədbirə 8 "a" sinfi öz çıxışları ilə başladı.  Şagirdlərimiz öz şeirləri, rəqsləri və mahnıları ilə bu gözəl günə rəng qatdılar. Sonda "Qarabağ" səhnəciyi ilə bu vətən yolunda canlarından keçən şəhidlərimizin əziz xatirəsi əbədiləşdirildi.Tədbirin keçirilməsində məqsəd şagirdlərimizi vətənpərvərlik ruhunda tərbiyə olunmasını və onların gələcəkdə vətənə layiq bir vətəndaş kimi yetişməsini təmin etməkdir.