Zəfər günü ilə bağlı tədbir
06 noyabr 2024-cü il tarixində məktəbimizin III c və III e sinif şagirdləri Xatirə Qasımova və Nərmin Əfəndiyevanın təşkilatçılığı ilə Zəfər gününə aid tədbir keçirildi. Tədbirdə canlarını ölkəmizin ərazi bütövlüyü və suverenliyi uğrunda qurban vermiş şəhidlərimizin xatirəsi bir dəqiqəlik sükutla yad edildi, Azərbaycanın tarixinə qızıl hərflərlə yazılmış Zəfər Günü barədə şagirdlərə ətraflı məlumat verildi. Vətən müharibəsində qabaqcıl hərbi texnika və texnologiyalardan məharətlə istifadə edən Azərbaycan Ordusunun dünya hərb tarixində yeni səhifə yazması barədə söhbət açıldı. Tədbirdə şagirdlər şeirlər, mahnılar səsləndirdilər. Qeyd edək ki, tədbirin keçirilməsindən əsas məqsəd, şəgirdlərdə vətənpərvərlik ruhunu gücləndirmək, Zəfər Gününün önəmini vurğulamaq, şəhidlərimizin xatirəsini önləmli tutmaq və şanlı tariximizi daimi yaddaşlarda qalmasını təmin etməkdən ibarətdir.
