Şagirdlərimiz türk əsgərlərinin məzarını və onların şərəfinə ucaldılmış abidəni ziyarət etdilər
1918-ci ildə erməni daşnakları Maştağaya qədər irəliləmiş, qırğınlar törətmiş, lakin Maştağa qoçularının və Nuru paşanın başçılığı ilə köməyimizə gələn Türk-İslam ordusunun güclü müqaviməti nəticəsində geri oturdulmuşlar. Bu döyüşlərdə həlak olan və 100 ildir ki, Maştağa qəbristanlığında uyuyan türk əsgərlərinin məzarını və onların şərəfinə ucaldılmış abidəni ziyarət etməyi Cümhuriyyətin 100 illiyi ərəfəsində özümüzə borc bildik.
