187 №-Lİ TAM ORTA MƏKTƏB

18 aprel 2024-cü il tarixdə biologiya fənni üzrə metodbirləşmənin növbəti iclası keçirildi. İclasda cari il ərzində metodbirləşmə üzvlərinin  2023-2024-cü il üzrə görülən işlərin hesabatı müzakirə edildi. Müzakirədə direktor vəzifəsini icra edən Gülnarə Məmmədova, təlim-tərbiyə işləri üzrə direktor müavini Fərəh Mikayılzadə və bütün metodbirləşmə üzvləri iştirak etdilər.

İclasda əsasən biologiya laboratoriyasının daha da zənginləşdirilməsi təklif olundu.

18 aprel 2024-cü il tarixdə məktəb rəhbərliyinin iştirakı ilə riyaziyyat fənni üzrə metodbirləşmə iclası keçirildi. İclasda riyaziyyat fənni üzrə metodbirləşmənin mart-aprel aylarında görüləcək işləri müzakirə edildi. Fənn üzrə tədrisin keyfiyyətinin yaxşılaşdırılması istiqamətində yeni təkliflər səsləndirildi.

    18 aprel tarixində 2024-cü ilin "Yaşıl dünya naminə həmrəylik ili" elan edilməsi ilə bağlı məktəbdə "Dünyamızı sevək, qoruyaq" adlı məşğələ keçirildi. Məktəbin biologiya müəllimi Cəfərova Günelin 5g  sinif şagirdləri ilə hazırladığı ətraf mühitin qorunmasına həsr olunmuş məşğələdə şagirdlərə ətraf mühitin çirklənmə səbəbləri, çirklənmənin qarşısının alınması üçün hansı tədbirlərin görülməli olduğu izah olundu. 5-ci sinif şagirdləri ətraf mühitin qorunması üçün fikirlərini səsləndirdilər. Qrupların hazırladığı səhnəciklər nümayiş olundu. Şagirdlərin hazırladığı maket və rəsmlər xüsusi diqqət çəkdi. 

    Məşğələnin keçirilməsində məqsəd şagirdlərə təbiətə sevgi aşılamaq, dünyamızı qorumaq, gələcək nəsillərə təmiz dünya miras qoymaq.    

Hər il aprelin 18-i Beynəlxalq Abidələr və Tarixi Yerlər Günü kimi qeyd olunur. Bu günün məqsədi insanların diqqətini abidələrin və tarixi yerlərin qorunmasına yönəltməkdir. Bu məqsədlə məktəbin 5a və 5ə sinif şagirdləri Ramana qəsəbəsində yerləşən XII-XIV əsrlərə aid Ramana Tarix-Mədəniyyət Qoruğuna ziyarət etdilər. Ziyarətin təşkil edilməsində məqsəd şagirdlərin diqqətini ətraf mühitin mühafizəsinə, tarix və mədəniyyət abidələrinin tanıdılmasıdır.

11 illik tam orta təhsil pilləsi üzrə buraxılış imtahanında uğurlu nəticə göstərmiş şagirdlər ilə məktəb rəhbərliyinin görüşü keçirildi. Görüşdə 200 bal və 200 baldan yüksək nəticə göstərmiş şagirdlər təltif edildi. Məktəb rəhbərliyi növbəti imtahanda uğurlu nəticə göstərərək müəllimlərinin və valideynlərinin ümidlərini doğruldacaqlarına inandıqlarını qeyd etdilər.