"Dəyərlərimizi qoruyaq!" adlı təşkilat saatı
Məktəbdə "Dəyərlərimizi qoruyaq!" layihəsi çərçivəsində "Dəyərlərimizi qoruyaq!" adlı təşkilat saatı keçirildi. Təşkilat saatında məktəbin məktəbdənkənar və sinifdənxaric tərbiyə işi üzrə təşkilatçı Aytən İsmayılova, məktəbin rus dili müəllimi , Azərbaycan dili və ədəbiyyat müəllimləri sinif rəhbəri iştirak etdi. Təşkilat saatı Dövlət Himninin səsləndirilməsi ilə başlandı. Sinif rəhbərinin sinif şagirdləri ilə hazırladığı tədbirdə milli-mənəvi dəyərlərimizdən bəhs edildi. Bayraq, dil, din və Novruz bayramı haqqında hazırlanmış təqdimatlar nümayiş olundu. Bayrağımıza, dilimizə həsr olunmuş şeirlər səsləndi. Vurğulandı ki, xalqımızın mənəvi dünyasını zənginləşdirən milli-mənəvi dəyərləri qoruyub saxlamaq hər birimizin borcudur.
