8 noyabr - Zəfər Günüdür
Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin rəhbərliyi altında Azərbaycan Ordusu Ermənistanın ardıcıl təxribatlarının və yeni işğal planlarının qarşısını almaq, işğal altında olan torpaqlarımızı azad etmək məqsədilə 2020-ci il sentyabrın 27-dən etibarən başladığı zəfər yürüşündə inanılmaz uğurlar əldə etmişdir.
44 gün sürən hərbi əməliyyatlar nəticəsində rəşadətli Azərbaycan Ordusu tərəfindən Cəbrayıl, Füzuli, Zəngilan, Qubadlı şəhərləri, Zəngilan rayonunun Mincivan, Ağbənd, Bartaz qəsəbələri, Xocavənd rayonunun Hadrut qəsəbəsini və bir çox kəndləri, Tərtər rayonunun Suqovuşan kəndi, Xocalı və Laçın rayonlarının bir neçə kəndləri daxil olmaqla, ümumilikdə, 300-dən çox yaşayış məntəqəsi, o cümlədən Ağdərə, Murovdağ və Zəngilan istiqamətlərində mühüm strateji yüksəkliklər işğaldan azad edilmişdir.
Noyabrın 8-də 28 illik həsrətdən sonra Azərbaycan xalqı üçün böyük əhəmiyyət kəsb edən və rəmzi məna daşıyan Şuşa şəhəri işğaldan azad edilmişdir. Qarabağın tacı olan Şuşa şəhərinin azad edilməsi dünya hərb tarixinə düşəcək unikal hərbi əməliyyatlardan olmuşdur.
təşkilatçı Aytən İsmayılova, UBRT Tünzalə Əhmədova ,şagirdlərimizin ərsəyə gətirdikləri "Zəfər günü"nə həsr olunmuş tədbir keçirildi.
Təddbir öncə dövlət himninin səslənməsi və şəhidlərimizin əziz xatirəsinin 1 dəqiqəlik yad edilməsi ilə açıq elan edildi.
Tədbirdə məktəbin direktoru səlahiyyətlərini müvəqqəti icra edən Nərgiz Ələkbərova, şəhid anaları, Müharibə və Əmək silahlı qüvvələrinin veteranlar təşkilatının şöbə müdiri polkovnik Adil Haqverdiyev və təşkilatın üzvləri, şagird və müəllim kollektivi iştirak etmişdir.
Şagirdlərin hazırlıqları səhnəciklər,şeirlər,rəqslər hamı tərəfindən maraqla qarşılandı.
Tədbir sonunda şəhid anaları adından çıxış edən Mehriban xanım məktəb rəhbərliyinə və şagirdlərə diləklərini çatdırdı.
Məktəbin direktor əvəzi Nərgiz Ələkbərova bu şanlı yol haqqında danışaraq, gələn qonaqlara,şagirdlərə,tədbir təşkilatçısı Aytən İsmayılovaya təşəkkür etdi.
Sonda xatirə şəkli çəkildi.
