28 May - Müstəqillik Günü
Məktəbimizin ibtidai sinif şagirdləri Azərbaycan Respublikasının Müstəqillik bayramı ərəfəsində dərslərini vətənimizin, torpaqlarımızın azadlığı naminə I Qarabağ və II Qarabağ müharibəsində qəhrəmanlıq göstərmiş ölməz şəhidlərimizin ruhunu yad edərək öz ifadələrində şeirlər, bədii kompazisiyalar, mahnılar söyləmişlər.
Azərbaycan xalqı 1991-ci ildən sonra ilk dəfə bu bayramı tam fərqli olaraq, öz ərazi bütövlüyünü bərpa etmiş qalib xalq kimi qeyd edir. Bu baxımdan dövlətçilik tariximizdə müstəsna əhəmiyyətli mərhələlərin, xüsusən müstəqilliyin əldə edilməsi və bərpası kimi tarixi günlərin onların mahiyyəti və məzmununa uyğun daha dəqiq ifadə olunması böyük önəm kəsb edir.
