"Təbiəti qoruyaq" adlı layihə
Layihənin əsas məqsədi məktəb həyətinin abadlaşdırılması, ekoloji təmizliyə, yaşıllıqların artırılmasına töhfə verilməsidir. Şagirdlər arasında ekoloji maarifləndirmə işini aparan məktəbin biologiya müəllimi Ülkər Səfərova şagirdlərə dərs zamanı öz tövsiyyəsini verərək deyib: "Yaxşı bilirsiniz ki, insanlar təbiətə necə münasibət göstərərlərsə, təbiət də adekvat olaraq cavabını verir. Qlobal iqlim dəyişiklikləri fonunda nə qədər təbii fəlakətlər baş veirir ki, bunların da nəticəsində insanlar həyatlarını itirirlər. Ona görə də hər bir şagird ətraf mühitin qorunmasında üzərinə düşən vəzifələri həyata keçirməklə yanaşı, cəmiyyətdə baş verən ekoloji çirklənməyə qarşı mübarizə aparmalıdır".
