Unutmadm şəhidim!
Şairə Esmira Günəşin E.Əliyev adına 162 №li tam orta məktəbin kitabxanasında Azərbaycanın suverenliyi və ərazi bütövlüyü uğrunda Şanlı Ordumuzun qalib gəldiyi 44 günlük Vətən Müharibəsində qəhrəmancasına şəhid olan şəhidlərin və şəhid Bilal Qənbərovun əziz xatirəsinə həsr etdiyi "Unutmadım şəhidim!" və "Cənnətin sakinləri" kitablarının təqdimatı oldu.
Tədbirdə məktəbin Azərbaycan dili və ədəbiyyatı müəllimi Səbinə Səmədova , şairə Esmira Günəş, Bilal Qənbərovun ailə üzvləri və məktəb müəllimləri çıxış etdilər.
Şairənin adları qeyd olunan kitablarından şeir nümunələri 8-ci sinif şagirdləri tərəfindən kiçik kompozisiya şəklində səhnələşdirilmişdi.
Şairə E.Günəş öz yeni kitablarını 8 -ci sinif şagirdlərinə hədiyyə etdi.
