Əməkdaşlıq
“Bizim təhsilimizin məqsədi gənc nəslə, uşaqlara təhsil verib onları gələcəyə hazırlamaqdır. Amma bununla yanaşı, ən böyük məqsəd Azərbaycan vətəndaşı hazırlamaqdır, müstəqil Azərbaycan cəmiyyətinin ləyaqətli üzvünü hazırlamaqdır”. Heydər Əliyev
Müəllim-şagird münasibətlərinin əsasında humanist prinsipin tələbləri dayanır. Onlar təlim prosesinin psixopedaqoji əsası kimi xüsusi əhəmiyyət daşıyır. Azərbaycanın görkəmli psixoloqu, mərhum professor Əbdül Əlizadə bu məsələdən bəhs edərkən həm şəxsiyyət, həm də dialoji mədəniyyətin tələbləri barədə belə qənaətə gəlmişdir: “Obyekt mahiyyətcə şəxsiyyət deyil, insan deyil. İnsan ancaq subyekt kimi, şəxsiyyət kimi dialoqa girə bilər. Bu o deməkdir ki, dialoq məkanına daxil olmaq üçün:
* insan münasibətləri mənəvi ölçülərə söykənməlidir;
* adamlar bir-birini şəxsiyyət kimi qavramalıdırlar;
* dialoq birgə əməkdaşlıq, birgə yaradıcılıq aləmi olmalıdır”.
Həqiqətən də insanlığın anlaşılan və qarşılıqlı başa düşülən mənəvi prinsipləri, həmçinin bütövlükdə insanın həyati normalar çərçivəsində fəaliyyətinin tənzimlənməsində həlledici rol oynayır.
Dərsdə düzgün qurulmuş müəllim-şagird münasibətləri şagirdlərin təlim marağının artmasında mühüm vasitədir. 4b sinif şagirdləri müəllimlərindən aldığı tapşırığı qrup işində bir-biriləri ilə əməkdaşlıq edərək tapşırığın təqdimatını hazırlayırlar.
