Məktəbədə mütaliyə işində atılan növbəti addım.
Dərsdənkənar asudə vaxtlarda şagirdlərin mütaliyə ilə məşğul olmaları vacib bir məsələdir. Şagirdlərin mütaliyəyə olan maraqlarını artırmaq məqsədi ilə məktəbdə müxtəlif tədbirlər , dəyirmi masa və mütaliyə klubları təşkil olunmuşdur.
Azərbaycanın görkəmli sənətkarı Cəlil Məmmədquluzadənin 150 illik yubileyi münasibəti ilə 157 saylı tam orta məktəbdə tədbirlər həyata keçirilməkdədir.Bu tədbir çərçivəsində 01.12.2019-cu il tarixində məktəbin TTİDM-ni Sevda Novruzova və UBTR-i Natəvan Həsənalıyeva rəhbərliyində 8-ci sinif şagirdlərinin C.Məmmədquluzadənin ev muzeyinə ekskursiyası təşkil edildi. Ekskursiya zamanı şagirlərlə bərabər iştirakçı olan gənc müəllimlər və müəllim müdavimləri şagirdlərlə əsərlər üzrində müzakirə apardılar. Müzakirələr zamanı xüsusən C.Məmmədquluzadənin “Anamın kitabı” əsərindən yola çıxaraq şagirdlərdə vətənpərvərlik , vətənə , millətə, maddi- mənəvi dəyərlərimizə sevgi və yüksək dəyər verilməsi kimi hisslərin aşılanması ən əsas məqsədlərdən biri olaraq nəzərə çatdırılmışdı. Şagirdlərin bu işdə fəal iştirakı hiss edildi. Günün sonunda müzakirələr zamanı fəal iştirak edən şagirdlər kitablarla mükafatlandırıldı.
